O le tusitusiga muamua lenei a le tausala o Samoa o tulai mai nei, Haylanni Kuruppu i le aano moni o lenei tusi na ia faasoa ai i le faamoemoe a le faaaliga a le Anofale.

Na ta’ua e le tausala lana faigamalaga na uia lea ua faapaleina ai o ia o le Tausala o Samoa aganuu na faufau mai ai lona olaga tuputupu a’e i lnau aiga i Ausetalia.

“E tele taleni na faamanuiaina ai a’u i le itu tau taaloga ma le ola aoaoina ae na ou filifili e ave la’u misiona i le Ekalesia o le Au Paia o Aso e Gata Ai ma na tofia ai a’u mo le galuega talai i Iapani peitai ane ona o le pepesi ai o le faamai Koviti-19 na tofia ai loa a’u ou te galue i Melepone.

“Na mae’a la’u tautua i lenei galuega talai o i foi na aoaoina ai a’u o le ala i le pule o le tautua, o se vaega tāua lea i lo’u olaga.

“I se taimi o i luma mai na faasoa atu ai le Asosi a le Tausala o Samoa i Melepone ou te tauva i le Tausala o Samoa.

“Na ou manatu ai o se avanoa tāua tele lea ou te tauva ai e mafai ai ona ou aoao i le loloto o le aganuu o tu ma aga a Samoa.

“Ae peitai a o o’u nofo ai i se tasi o o’u aiga i Melepone na latou lē talia ai la’u filifiliga ou te auai i le tauvaga ma na afua ai ona tuliese a’u ma le fale.”

O le tutulu ai o le Tausala i lana saunoaga na ia faamalosi ai e tuuina le feau o aumai i lana tusi.

“O lenei tusi o loo aumai ai se feau mo fanau laiti a o taumafai ai i lo latou ola tuputupu a’e, this book is about resilience, being bold, being fearless and knowing that being different is beautiful.

“O loo faailoa ai la’u savaliga ma faafitauli na ou feagai ai ae lei avea lea ma alofaga o le ola taumafai auā e mafaia mea uma e le Atua.”

O le tusi lenei a le Tausala o Samoa o se tasi lea o poloketi sa fuafuaina i lona sao mo le atunuu e tauala atu i alo ma fanau.

O loo tusia i le gagana Peretania ma le gagana Samoa ma o loo faatauina i le faletusi a le Samoa Stationaries and Books.