O le tausaga faaletupe o loo faagasolo nei o le a maua ai e itumalo uma e 51 le tasi le miliona valuselau afe tālā mo le atina’e o nuu ma afio’aga o itumalo ta’itasi, ae o Iulai i le tausaga faaletupe fou o le a amata maua ai le lua miliona.
O le feiloa’iga na taualuga iai fonotaga a le Palemia ma Minisita o le Kapeneta ma sui o komiti o Fono Faavae e aofia ai ta’ita’ifono i le motu o Upolu, na faailoa ai e le ta’ita’i o le malo, o le tausaga fou e siitia ai tupe o le poloketi mo itumalo e silia i le lima nuu o loo aofia i totonu.
O se fuafuaga a le malo ia mafai ona tofusia ai le faasoa mo tagata uma o itumalo e tele nuu, ma laugatasia ai tagata uma i le faasoa o le atina’e.
Se vaega o le saunoaga mai le Palemia, susuga Laaulialemalietoa Leuatea Polataivao Fosi i le fono ma ta’ita’ifono ma sui o kpmiti o Fono Faavae i le motu o Upolu na taualuga ai ia feiloa’iga i le Aso Lua o lenei vaiaso.
