Ua faaauau pea galuega a le Palemene i lenei vaiaso lea na amata i le Aso Lulu ona talanoaina lipoti e 37 a nisi o auaunaga tuma’oti ma matagaluega a le malo.
O ia lipoti sa su’esu’eina e komiti filifilia a le Palemene lea sa latou iloilo ai auaunaga eseese a le Malo aemaise o auala o loo faatino ai.
O le mae’a ona talanoaina o nisi o lipoti na auai atu ai le Palemene i le faaaloalo a le tasi o Sui filifilia o le Fono a Sui Tofia le susuga Malietoa Moli Malietoa Tanumafili II.
O le paia maualuga i le aiga Sa Malietoa sa mā’au i faaaloaloga faaleaganuu e faafetaia ai le Palemene i le faaaloalo maualuga ua pale ai le afioga i le Nofo ua sē’ei nei i le suafa Malietoa i ia tofiga taualoa o le Malo.
Ua faailoa e se molimau o le a taualuga ia faaaloaloga ua ta’ua o momoli poo o’o i faaaloaloga faaleaganuu a le afioga i le Tui Atua Tupua Tamasese Efi.
