O loo faatalitalia e le UK ma Aialani se tasi o afā tele ua lipotia o le a aafia ai ma ua tapunia ai nei aoga ma fautuaina tagata ia nonofo i fale.
O le afā o Eowyn ua lipotia o se afā pomu, bomb cyclone ua amata faatupula’ia ane i Atalani i Matu ma ua vave ona faatupula’ia lona malosi ua fuafua o le a aafia ai lea faaitu o le lalolagi i matagi to faata’uta’u, timuga mamafa ma le aisa o le a to’ulu i nisi vaega.
Fai mai le vaaitau a Aialani ua lapata’ia le itu i Matu o lea atunuu ia faaeteete i matagi malolosi ma ua lapata’ia o lea afā o le a tulaga ese lona malosi.
Fai mai o le a taofia foi auaunaga tau fela’ua’iga i le itu i Matu o Aialani ma ua lipotia o ituaiga afā faapea e masani lava i le taimi o le taumālūlū i le itu i Matu o le Atu Europa.
Puna o Faamatalaga: https://edition.cnn.com/2025/01/23/europe/storm-eowyn-uk-ireland-intl-latam/index.html
