Ua fa’amanatu e tagata tapua’i o le Fa’atuatuaga Baha’i i Samoa ma le lalolagi atoa i le aso 10 ma le aso 11  o le masina lenei o Novema se tasi o aso tāua fa’ailogaina i lana kalena o le tausaga, aso soifua o le Perofeta o Baha’ullah na fa’avaeina le fa’atuatuaga ae na soifua mai i le tausaga e 1817 i le aai o Tehran , fa’apea le teuteuala poo le Bab e faaliliuina o le faitoto’a, o ia lea sa na folafola le afio mai o le perofeta o le Mamalu o le Atua poo Baha’ullah e pei ona fa’ailoa i fa’amaumauga ma tusitusiga pa’ia a le fa’atuatuaga Baha’i. O le Bab na soifua mai i le tausaga e 1819 i le aai o Shiraz i Peresia sa igoa muamua ai le atunuu o Iran.

Baháʼu’lláh in 1868. Photo: Wikipedia

Ua vala’aulia ai e le f’aatuatuaga i Samoa le atunu’u e auai i le latou sauniga e faia i le Malumalu Tapua’i i Tiapapata mo lea sauniga fa’amanatu e faia i le 6 o le afiafi o le Aso Lua o lenei vaiaso.

O se tasi o manulautī i a’oa’oga a  o le autasiga o tagata uma o le lalolagi le Oness of Mankind, fegalegalea’i, fealofani ma tausia le filemu.

O le laumua poo le nofoaga tutotonu o le Fa’atuatuaga Baha’i ile lalolagi e aofia ai ma Samoa o loo i le aai o Haifa i Isaraelu.