O su’esu’ega a leoleo o lo’o fa’agasolo i le maliu o se tama’ita’i Filipino i le Aso Sa na tea nei lea na maua lona tino maliu i totonu o le potu o se faletalimalo sa fa’amautū ai ma lona to’alua, ua fa’ailoa e le Sui Komesina o Leoleo i le auaunaga fa’asalalau a le Samoa Global, o lo’o mana’omia se ta’otoga fa’apitoa e sa’ilia ai le mafua’aga o le maliu.

Ua fa’ailoa lea la’aasaga ua o’o iai su’esu’ega ma le lipotia ai o le taofia e leoleo o se taule’ale’a 21 tausaga le matua mo su’esu’ega lava aga’i i le maliu o lea tama’ita’i.

Ua fa’ailoa e le nusipepa o le Samoa Observer o lē ua taofia ua molia i le solitulafono o le fasioti tagata fa’amoemoeina ma le fasioti tagata pa’ivalea ma o le aso 23 o Novema e tula’i ai i le fa’amasinoga maualuga.

O lē ua maliu o se tagata sa galue o se su’i ofu.