O le auina atu i Niu Sila, Initia ma Fiti o gasegase mai Samoa e togafiti ai i le polokalame fesoasoani a le malo e le taugōfie. E fua lea taugatā o togafitiga i fafo i le si’itia o vaegatupe o loo fa’atatauina i tala o le tupe a le malo mo lea polokalame.

O le vaiaso ua mavae na pāsia ai e le Kapeneta le to’aiva o gasegase e auina atu i fafo lea e valu gasegase e togafiti i Fiti ae tasi i Initia e fa’aalu ai se vaegatupe e lata i le fā selau afe tala Samoa.

O togafitiga i atunu’u mamao o se polokalame o loo fa’aauau pea ona e leo mafai ona maua i Samoa togafitiga o nisi o gasegase le mafua’aga o le fesoasoani o le malo i le totogi o togafitiga.

E le’o fa’ailoaina i le pepa o fa’asalalauga mai le Ofisa So’oupu o le Malo po’o a tonu āuga o gasegase o le to’aiva ua iai le ioega e faia o latou togafitiga i Initia ma Fiti.