Ua fa’amauina e le Kapeneta le Lipoti mo le Kuata Muamua o lenei Tausaga Fa’aletupe 2026|2027 a le Matagaluega o Tiute le si’itia o tupe sa aoina mai ai i ana auaunaga lea e $126.1 miliona le tupe maua sa fuafuaina e tatau ona aoina i totonu o le kuata muamua o lenei Tausaga Fa’aletupe peita’i ua fa’amauina le si’itia maualuga i le $137.2 Miliona le seleni sa mafai ona aoina ai.

O lona uiga, e pei ona fa’ailoa e le Matagaluega, e $11.1 Miliona tusa lea ma le 8.8% o le tupe fa’asili na maua e fua i le seleni sa fuafuaina.

Fa’aalia i le pepa o faamatalaga mai le malo, o fua va’aia ia, o le lelei ma mautū pea o le tamāo’āiga o Samoa i le taimi nei ma le aga’i atu i le lumana’i.