I le aso 3 o Oketopa na amata ai le galuega o le aoina o fa’amatalaga o tagata ma fale e ala i le tusigaigoa tele a Samoa i lenei tausaga, ua fa’ailoa e le ofisa o numera fa’amauina a le malo le toe fa’aopoopo o aso e faia ai lea galuega i le fuafuaga e faamae’a i le aso 21 o le masina nei o Novema.

E 4 vaiaso sa fa’atulaga e fa’agasolo ai le tusigaigoa lea na amata i le aso 3 o Oketopa ae mae’a i le aso 7 o Novema le Aso Toonai na te’a nei peita’i ua fa’ailoa e le Ofisa o Numea Fa’amaumauina ua fa’aopoopo le lua vaiaso lea na amata i le aso 9 le Aso Gafua o le vaiaso nei, ma ua faia lea fa’aiuga ina ia mautinoa e faitau uma tagata i totonu o Samoa e tusa ai o le galuega o lo’o fa’asolo.

Ua fautuaina ai le atunu’u e feso’ota’i le Ofisa o Numera Fa’amaumauina pe afai e le’i o’o atu se au tusi igoa i o latou maota ma laoa.

O le tusigaigoa aoao a le atunuu ile tausaga e 2021 o loo faamauina le faitauaofai o tagata i Samoa ile 205 afe 557. O loo fuafua e ono siitia lea faitauaofai oo tatou tagata pe a maea le tusigaigoa o le tausaga nei i le va o le 220,528 ma le 235, 495.