O le tama’ita’i o Ruta Masinalupe Tusipa o se tasi o ulua’i tama’ita’i na ulufale i le Kolisi o Avele ina ua talia tama’ita’i i le Kolisi i le tausaga e 1996, o ia foi na avea ma ulua’i tausala o le kolisi na avea ma ta’ita’i ulu poo le Head Girl i le tausaga e 2000.

Ua fa’ailoa e Ruta e le’i faigofie lu’itau sa latou feagai ina ua a’o’oga fa’atasi ma le vasega o ali’i auā o le tala fa’asolopito o Avele o se a’oga sa na’o tama tane sa a’oa’oina ai.

Ua toe tata’i i tua se finagalo o Ruta i le taimi na ulufale ai i le Kolisi, a’o lumana’i le fa’amanatuina o le 30 tausaga e le asosi o tama ma teine tuai o Avele talu ona talia tama’ita’i i le Kolisi.

O se vaega o le fa’atalanoaga ma Ruta Masinalupe Tusipa o ia o le Failautusi o le Asosi o Tama ma Teine Tuai o le Kolisi o Avele o lo’o lotolotoi i tapenaga o le 30 tausaga.