E 3 lelei va’a taugatā, luxury boats ua faaleagaina ma goto ma le isi ua iai vaega ua faaleagaina ina ua sasao ane se afi i le Sydney Marina i le vaveao analeila.
Fai mai le 9news o le afi na amata ane i se tasi o va’a ia poo le ‘afa o le 3 i le vaveao ma vave ai le sasao ane i isi vaa i autafa i le The Spit Marina i Mosman i le itu i matu o le aai o Sini.
Vaaia e le toatele na molimauina le malosi o le sasao ane a le afi a o taumafai atu leoleo ma le tineimu faapea le NSW Port Authority e tapē le afi. E lei iai se soifua na aafia sei vagana i latou na togafitia i le manavaina o le asu mai le afi.
Ua faamaonia mai e le tineimū ua pē le afi ma o loo iai mea o loo faaleagaina i isi va’a na lalata ane ma le tolu o va’a ua māgota peita’i fai mai lipoti ana le vave ona tapē le afi semanu e telē atu ona aafiaga ona e fai si tele o vaa o loo taula ai i lea nofoaga.
O loo fa’aauau nei su’esu’ega ma galuega faamamā.
Puna o Faamatalaga: https://www.9news.com.au/national/luxury-boats-sink-in-sydney-marina-fire/17e40bfe-c093-4f9a-8769-7e9f0a689d58
