O le tausaga nei 2026 o le a faatino ai le fuafuaga ua faailoa e le ta’ita’i o le Malo o le tatalaina o se ofisa o le Malo o Samoa i le atunuu o Isaraelu.
Ua saga faamautū lea fuafuaga i se isi saunoaga a le afioga i le palemia i le vaiaso nei lava sa auai ai i le sauniga a le mafutaga tatalo mo Isaraelu.
Sa fa’aalia ai e le susuga Laaulialemalietoa Leuatea Polataivao Fosi o le a’ai o Ierusalema o le a faatū ai lea ofisa o le tatou Malo.
Se vaega o le saunoaga a le Palemia o le tatou atunuu i le mafutaga tatalo mo Isaraelu o se faalapotopotoga faavaomalo o loo aofia ai ma Samoa.
O isi atunuu o le Pasefika ua iai o latou ofisa i lea atunuu i Sasa’e Tutotonu o Papua Niukini ma Fiti.
O Fiti na tatala i le tausaga na te’a nei lona Ofisa Amapasa i le aai o Ierusalema i le tu lata i le faaiuga o le tausaga na te’a nei lea na malaga iai le Palemia o lea Malo i le tatalaina ma feiloai ai ma le Palemia o Isaraelu.
Mo Samoa o se tasi lea ua fuafuaga e toatele i latou ua faailoa lo latou lagolagoina o le iai o se ofisa o le malo o Samoa i lea vaega o le lalolagi.
Peitai o loo iai foi nisi o le atunuu e leo lagolagoina.
