Ua ave le faafetai a le Matāgaluega o Leoleo Falepuipui ma le Toe Fuata’ina i le atunuu aemaise lava e na tuuina atu faamatalaga sa mafai ona manuia ai sa’iliga a malu o le malo, ma maua le taulealea o Anzac Farani 24 tausaga le matua o Vaitele fou ma Sili i Savaii.
Sa faailoa e leoleo le ata o lea taulealea ina ua faasalalau le fia maua mo su’esu’ega i se gaioiga solitulafono na aafia ai i ni manu’a ni tagatānuu Saina se to’atolu.
O i latou na aafia o loo faagaioia se faleoloa siiatoa i Vaitele.
E iai se isi taulealea o loo aga’i iai su’esu’ega lava a leoleo ona sa iai faatasi ma lē ua pu’eina ma taofia i le taimi na faatino ai le soligatulafono.
