E lē mafaitaulia le tele o totoga o laau malosi o loo faaui mai i tuaoi o le atunuu faasolitulafono.
O se tasi lea o itu o loo molimau mai i tala a le Newshub, ma ua iai ma le popolega o le faaopoopo o soligatulafono faaaoga ai laau malosi.
I faamaumauga mai leoleo o loo iloa ai le alualu i luga o soligatulafono e faaaoga ai laau malosi i Niu Sila, aemaise lava i le va o le 2017 ma le 2021 ma ua iai tala e faasefuluina le tele o laau malosi o loo i tua pe a faatusa i le 15 tausaga talu ai.
Ae i totoga o laau malosi o loo maua i tuaoi, o le tausaga e 2017 e 363, ae oo mai i le 2021 ua 3,741.
O se tasi o itu e tali atu ai i lenei faafitauli o le faia lea o le lesitala mo laau malosi, ma o le aso ananafi lea na amata ai faatalanoaga o lea lesitala faamoemoe ia amata faaaoga mai le tausaga fou.
