Ua talia e le malo fautuaga ma o lea ua aveesea ai le tapu sa le mafai ai ona sii totogi o tagata sinia faigaluega a le malo e maualuluga o latou totogi.
Sa saunoa le minisita o loo gafa ma tagata faigaluega a le malo Andrew Little, sa talafeagai lava le sā lenei ma le taimi na amata ai le Koviti, peitai o lea ua iai suiga.
O taimi o le Koviti na taofi ai ona toe faia ni siitaga o totogi o tagata galulue i le malo o loo mauaina totogi maualuluga, sei vagana ai nisi o tagata e iai itu e tatau ai pea ona maua.
I le toe laga ai la o le maliega aemaise o le tu malosi mai foi o iuni o loo finauina teuteuga o totogi nei, ua fai mai ai ma le minisita o loo tali leleia e le malo le fautuaga aemaise e le o faigofie le taugata o le soifuaga o loo iai nei, lea o loo tau fai lagona uma e le atunuu faapea le tamaoaiga o Niu Sila.
