Ua vaavaai le malo i suiga e suia ai auaunaga a le falemeli, lea ua fai mai ai i le na o le faalua i le faatolu i totonu o le vaiaso ona kiliva meli.
O le tausaga e 2013 le tausaga mulimuli na toe iloilo ai e le matagaluega o pisinisi maliega nei e aiaia ai le faatautaia o auaunaga a le NZ Post ma o lea na tuu mai e toe iloilo i le 2018 peitai na toe tolo mai i le tausaga nei.
E molimau ai le matagaluega talu mai le iloiloga mulimuli ua maitauina le saoasaoa o suiga tau initaneti o loo faaaogāina ma ua faaitiitia ai le faalagolago o tagata i auaunaga a le falemeli.
Ua moomia le faia o suiga ma o lea ua talanoaina ai taimi o le vaiaso o loo kiliva ai meli i pusameli.
I le taimi nei o lea e faatolu i le vaiaso i nuu i tua ae 5 aso o le vaiaso i taulaga ma o suiga ua talanoaina o le suia mai i le na o le faalua mo nuu i tua ae tolu aso mo i latou e nonofo i le taulaga.
E ese mai i aso e kiliva ai meli, o lea foi ua toe talanoaina le tele o falemeli i totonu o le atunuu.
Puna o Faamatalaga: NZ Post mail deliveries in cities may be cut to twice a week
