O Samoa ma isi atunu’u lāiti e sefulutolu o le Pasefika o le a agava’a e maua fesoasoani tau tupe mai le aofa’iga e 687 miliona 700 afe tālā tupe Samoa po’o le 250 miliona tālā Amerika, mai le fesoasoani o le Green Climate Fund poo le GCF, mo galuega o le toe fa’aleleia o atina’e o le tamao’aiga ma si’itia ai le soifua lelei o tagata ona o suiga tetele o le tau.

Ua fa’ailoa lea fesoasoani i se lipoti a le vaega o tala faasalalau o le Pasefika le Pacnews ma fa’ailoa ai, o le isi vaega o lea fesoasoani o loo lagolago iai le faletupe o Atina’e o Asia. O le vaega tupe ua fa’ailoa mo atunu’u e 14 o le pasefika e aofia ai ma Samoa o le a fa’asosoa mai i totonu o le 10 tausaga ma e 26 galuega o atina’e tetele o le a fa’atupe ai, faapea ma le toe fa’aleleia o galuega e fesoasoani ai i le si’itia o le soifuaga o aso uma mo tagata lautele.

O atunu’u e 14 o le a faasoa iai le 250 miliona Amelika poo le 687 milion 700 afe tālā Samoa, o le Atu kuki, Fiti, le atu Malesala, FSM poo le Federated States of Micronesia, Naoero po’o Nauru, Niue, Palau, Papua Niu Kini, Solomona, Tonga, Tuvalu, Vanuatu ma Samoa.