Ua tuana’i le taāga muamua o le palolo i le tau amataga o Oketopa e leai se mea na maua. O talanoaga a nisi ma o latou manatu fai mai ua teva le palolo ona ua fa’atau ma ua taugatā. O isi fai mai o suiga o le tau ma a’afiaga o iai nei Samoa ma isi motu lāiti o le pasefika i le Elenino le mafua’aga.
O su’esu’ega fa’asaienisi i le mafua’aga o le lē maua poo le itiiti o le palolo e maua ona o ‘amu o le sami ua fa’aleagaina aemaise i amu e fanau ai le palolo, o le isi mafua’aga o fesuia’iga i le mafanafana ma le malūlū o le sami i le taimi tonu e tā ai le i’a, ae o se isi mafua’aga i su’esu’ega lava fa’asaienisi o le tafia atu o le palapala mai le pa’umatū ona o timuga mamafa ma tafega ona tafe atu lea i le sami ma a’afia ai ‘amu i ōgāsami e maua ai le palolo.
O le isi mafua’aga o le so’ona fagotaina o le palolo, e mafua i gaioiga fa’apisinisi. O le aso muamua ma le aso lua o le masina fou o Novema o le taāga mulimuli lea o le palolo o lene tausaga, lona uiga o le asiga muamua o le vaveao o le Aso Sa ma le Aso Gafua o lumana’i nei pe a mae’a le Aso Toonai 31 o Oketopa.
Comments
Loading comments…