A’o toe sauni ‘au lakapi mai kalapu ‘ese’ese i le atunuu i le vae lona 2 o le ta’amilosaga lakapi taito’afitu a le Vodafone i le Aso Faraile ma le Aso To’ona’i o le vaiaso fou, ua mae’a le ta’amilosaga taito’afitu a le Taula Marist Rugby Sevens i le faaiuga o le vaiaso ua mavae ma ua manumalo ai i le ipu a Leituala Joseph Chan Ting Memorial Cup le ‘au a le Malisi lea na o la iloilo ai ma le ‘au o le Kofeula mai Satapuala le siamupini o le ta’amilosaga.

O isi vaega poo division o lea lava ta’amilosaga lakapi taito’afitu ua siamupini ai le ‘au e i lalo o le 18 tausaga poo le under 18 o le Kokonut Production Tama Uli, Under 18 a tama’ita’i ua siamupini ai le Savai’i Queen, Under 16 a ali’i ua sola ma le ‘au a ali’i o le Savai’i sonic le siamupini, o le ‘au a ali’i a le Malisi ua siamupini i le vaega o le Under 14, ae siamupini le ‘au a tama’ita’i o le No Idea Development –Flash i le vaega o ‘au feiloi poo mix i le matutua e i lalo o le 10 tausaga poo le under 10.