A’o fefāloa’i vaega fa’aupufai a le palemene o Isaraelu poo ai le faigamalo so’ofaatasi o le a pulea le atunu’u i le mae’a o lana faiga palota tele ma ua le toe maua e le palemia o Benjamin Netanyahu se numera o nofoa e toe fa’aauau ai lana pulega malo, ua fa’ailoa e le ta’ita’i o le tatou malo le afioga i le palemia susuga Laaulialemalietoa Leuatea Polataivao Fosi, e lē suia le lagolago a lana faigamalo ia Isaraelu e pei ona ia fa’ailoa i le fa’atautōina o lana pulegamalo.
I lana saunoga i le sauniga o le savali mo Isaraelu i le Aso Faraile ua mavae sa fa’atumulia ai luma maota o le malo i le ‘Eleele fou, na ia fa’ailoa ai o loo fa’aauau pea tapenaga mo le fa’atūina o le ofisa o le malo o Samoa i le aai o Ierusalema.
O lea tapenaga e pei ona faailoa e le palemia o loo feagai ma lu’itau i nisi o loo fa’asalaveiina i le latou mau e taofi.
O le saunoaga a le palemia i le sauniga o le savali mo Isaraelu sa auai le afioga i le Ao o le Malo le afioga Tuimalealiifano Vaaleto’a Sualauvi II, ma ta’ita’i o nisi o Ekalesia Kerisiano i le atunu’u sa latou tapena ma fa’amaopoopo lea polokalame fa’aleagaga.
Comments
Loading comments…