Mai Niu Sau Uelese i Ausetalia ua faamauina se aofaiga aupito I maualuga ile aofai o cases ua aliae mai ile aso I totonu o le setete ae o loo matalatala pea aiaiga na iai o le faamai. E 2213 tagata Niu Sau Uelese ua aafia ile faamai ma le tagata e toatasi ua maliu.
E silia ma le 127 afe tagata na agai ane mo le faia o siaki ma o le taimi nei e 215 gasegase o le koviti o loo faataotolia i falemai, ua maitauina le faaopoopo pea o lenei numera. E toa 24 o loo ile vaega tigaina.
A itiiti mai pe a ma le 185 cases o le omicron ua faamauina I Niu Sau Uelese.O loo matele ina pepesi tele le faamai mai nisi o fuafuaga ma polokalame faatino ua faaigoa o super spreader aemaise lava I papu ma kalapu ua atili vave ai le pepesi o le faamai.
O le siitia tele o le aofaiga o tagata ua aafia ua faaosofia ai le matagaluega ina e folasia o le a faatapulaa nisi o asiasiga i nofoaga faa falemai, health facilities. E tatau foi i tagata e asia ia nofoaga ona maea ona faia uma tui puipui e lua ma ia mulimulitai i aiaiga ole faia o tali fofoga. O le faaitu o Newcastle ua silia ma le 660 tagata ua aafia mai ai ma o le toatele ua aafia o loo aafia ile vairusi o le omicron.
