O se alii mai Niu Sa Uelese lea ua pu’eina ma molia i le gaoia o poloka siliva e sili atu i le miliona lona tau.
Fai mai le 9News o le uta e 960 kilo o le siliva na ave ane mai Sini i Melepone ia Novema 2021 lea na gaoia ai.
E lei iloa ua gaoia se’i vaganā ina ua taunuu le loli na ave ane ai le uta i Melepone, logo ai loa leoleo i NSW ma amata ai loa suesuega.
Ua toeitiiti 3 tausaga mulimuli ane ae o lea faato’ā molia se tagata.
E 40 tausaga o lea alii ua pu’eina mai se taulaga i le itu i Matu i Sisifo o Canberra.
E lei maua la le uta ae tulai le tagata lea i le asō i le faamasinoga i Goulburn.
Puna o Faamatalaga: https://www.9news.com.au/national/man-charged-2021-silver-heist/69664d37-361c-4963-84af-d0bc198928c8
