O loo lipotia mai pea le tele o aafiaga i faleoloa ma fale faatau ‘ava malosi i totonu o Aotearoa nei. E pei ona lipotia mai e le NZ Herald le aafia ai o se isi faleoloa e faatau ai ‘ava malosi ina ua osofa’i e ni ‘au faomea poo ni ‘au gaoi o lea faleoloa.
Faamauina i ripoti, o lea faleoloa ‘ava malosi e i North Shore, ma e faapua ua leva ona maitauina e i latou na faatinoina le soligatulafono le faleoloa. Na osofa’i e le ‘au faomea ma le ‘au gaoi le faleoloa i le afiafi o le Aso Gafua; māua le aafia ma manu’a ai o se tagata faigaluega. Ta’ua e le’i iai i se tulaga tīgāina lea tagata.
I faamatalaga mai leoleo, e faapea na ulufale atu tagata e to’atolu i le faleoloa, ma māua ai e le faatauoloa le taumafai o le to’alua e ave faagaoi o ni pusa ‘ava malosi poo pia.
O i lea na taumafai atu ai loa le faatauoloa e taofi gaioiga a ia tagata ae tula’i mai ai le faaoogālima i sia tagata faigaluega; māua foi le iai o nisi na fesoasoani i lea soligatulafono
Na sosola ese i latou na faatinoina ia gaioiga ma feosoi i luga o le pasi, ae na tuliloa atu lava e leoleo le pasi.
Lipotia na maua atu e leoleo le pasi i le taulaga i Britomart, ma o lea na pu’e ma taofia faapagota ai e malu o le malo ni talavou e to’afā, e to’alua na māua lo lā umiaina o ni aga’ese
E 22 tausaga o le tasi ua molia nei i le gaoi ma le faomea mai se faleoloa, ma o le tula’i i luma o le faamasinoga faaitumalo o North Shore, a o le talavou 17 tausaga, ua māua lona lē usita’ia o aiaiga o le tatala ai o ia i tua ona o nisi foi o soligatulafono.
Puna o Faamatalaga: https://www.nzherald.co.nz/nz/auckland/four-men-armed-with-machetes-allegedly-rob-north-shore-bottle-o-flee-on-bus-to-auckland-cbd/YDDDTYII7JHPNFKXCARTPN5D2A/
