Ua lima nei aso o tau valaau le Matagaluega o le Soifua Mālōlōina i tagata o le tatou atunuu e ofoina atu ni toto mo gasegase tīgāina i se tulaga faanatinati. O loo faailoa e le matagaluega i lana upega tafailagi o le Aso Gafua o le vaiaso nei na amata tāpā ai le fesoasoani atu a le atunuu i ni toto e tui mo ia gasegase o loo taofia mo togafitiga.
Ua n ao tagata i le va o le 18 i le 65 tausaga le matutua e mafai ona ofoina toto ae e tatau ona le aafiia ini ma’I tumau e pei o le suka, toto maualuga, sela, poo gasegase o le fatu.
E oo lava foi i tagata sa inu ava malosi i le 24 itula ua tuanai ma tinā ma’itaga ma tinā o iai pepe e oo i le lima tausaga le matutua e lē mafai ona tui o latou toto.
Ua fa’aalia e le Matagaluega o le Soifua Mālōlōina i se lipoti, o le faaitiitia o paina toto faaleoleo mo gasegase ae ua maualuga le tulaga manaomia o le mafua’aga lea o le tapatapa i le atunuu e fesoasoani atu mo ni paina toto.
O le toto o le ituaiga o le “ O” o loo pito sili manaomia.
