Ua agiga i le Leitio faavaomalo a Niu Sila i le asō se lipoti o se alii mai Aukilani o loo i se tulaga tigaina i le mae’a ona aafia i āuga o le tiga o le faa’ī tulou ma sina fiva.

O loo faamatala i le lipoti o si alii malosi ma soifua mālōlōina e suafa ia Neeraj Ramachandran, e 36 tausaga le matua, sa faimalaga i Initia talu ai nei e tausi si ona tamā sa gasegase ma toe foi mai ai i Niu Sila i le masina o Aokuso ma vaaia ai le aafia i āuga o le fulū.

Na ave iai e le foma’i fualaau mo togafitiga peitai e lei fesoasoani, ma i le lua vaiaso mulimuli ane ua toe taofia i le falema’i i North Shore ma o loo i le vaega tigaina.

O le 2014 na aga’i mai ai mai Initia i Niu Sila ma aumau ma faigaluega ai ae faate’ia si ona aiga i le lipoti mai le foma’i i le tolu vaiaso talu ai e tatau ona valaau ona mātua e faatofa mai iai.

Ua faigata ona mānava ma ua faailoa ane e foma’i o loo iai se gasegase e lē taatele ua aafia ai o le HLH lona faapuupuu.

E mafua mai le immune system ma o loo i se tulaga tigaina sia alii ae faatauvaa āuga na ala ai ona aga’i i le falema’i.

Ua amata e si ona aiga se itulau sailitupe, givealittle page e fesoasoani ai mo ona togafitiga i le falema’i.

Puna o Faamatalaga: https://www.rnz.co.nz/news/national/527754/man-in-disbelief-as-brother-fights-for-life-after-flu-like-symptoms