Ua alia’e solo tete’e i Tehran ona o tagata Iran e lē o fiafia i le faigamalo ma le tulaga lē manuia ua iai le tamaoaiga o le atunuu aemaise o gaioiga a vaega’au tau le puipuiga.
Fai mai le CNN ua savalia e le ‘au tete’e magaala i le laumua o le atunuu ma tauvalaau solo faamatalaga e tete’e ai i le faigamalo o iai nei.
Ua faailoa i le lipoti ua tapē ai e le faigamalo le initaneti aemaise o laina telefoni i Iran ina ua amata ia tete’e.
O nisi o le ‘au tete’e e foliga o loo mulimulita’i i faatonuga mai le alii perenise ua faaaunu’ua o Prince Reza Pahlavi lea o loo ia una’ia malosi tagata ia auai i solo tete’e ma savalia le aai.
O le tulai mai o ia tulaga ua ta’ua ai e le CNN ua toe faaleotele ane ai foi ma le faamata’u a Trump ia Iran e faapea ole a osofa’ia i latou pe afai e faao’o e vaega’au tau le puipuiga le oti i le au tete’e.
Puna o Faamatalaga: https://edition.cnn.com/2026/01/08/middleeast/how-irans-protests-spread-intl
