O le sui pule o le Vaaitau a Fiti ua ia faailoa e lē o se tulaga e lē o se mea fou le faato’ā iai o se afā i le Pasefika e faamauina i le 2 ma le ‘afa masina talu ona amatalia le vaitau o afā i le Pasefika.
O le uluai afā o Pita ua faamauina i le vaega muamua, Category 1 lona malosi na aga’i i Niue i le vaiaso talu ai ae o le vaitau o afā na amata ia Novema ae faamuta ia Aperila.
O Ianuari e masani ona aupito tele ai afā e pei ona maitauina i tausaga.
Na ta’ua e Amit Singh o loo totoe le 3 ma le ‘afa masina o le cyclone season ma o loo fai lava ma mata’itū uiga o le tau.
O Fiti ia o loo feagai ma timuga mamafa i le taimi nei ae lē taumate o loo faapea le tele o atunuu o le Pasefika.
O le fautuaga mo tagata uma ia fai ma siaki le tala o le tau ma sauni puipuiga mai faalavelave faalenatura tutupu faafuasei.
Puna o Faamatalaga: https://www.rnz.co.nz/international/pacific-news/539113/january-is-expected-to-be-peak-time-of-cyclone-season-fiji-s-meteorological-service
