O le Aso Faraile muamua o le masina amata o lenei tausaga fou 2026, o loo tumutumu ai le afioaga o Saanapu i le itumalo o Safata, i le faafotutupu o le suafa Sa’o o le ‘Anapu, lea ua faae’e atu i se tasi o suli tama’ita’i le afioga Seve Te’i Fuimaono.
A o lumanai le faafotutupu i le nei Aso Faraile i Samoa o le Aso Tofi sa faia ai le saunigā lotu i le malumalu o le Ekalesia Faapotopotoga Kerisiano i Samoa i Saanapu e faapaia ai le faanofonofo o le suafa ‘Anapu.
Na filifilia le afioga ‘Anapu Seve Te’i Fuimaono i le tofi faipule o Safata 1 i le palota tele ia Aukuso o le tausaga ua mavae, peita’i na soloia e le faamasinoga lona tofi ona o moliaga na faamaonia i le mae’a su’esu’e o molimau o se tagi tau palota.
