O le to’a 9 lea na lavea’iina mai le aso ananafi mai se vaa, commercial vessel na magoto i le silia ma le 5km i gataifale o NSW.
O loo manuia uma ma ua faailoa i lipoti i le asō o le Marine Rescue i Lake Macquarie na fesoasoani iai.
O faamatalaga faaopoopo ua maua mai le asō i lea faalavelave ua ta’ua ai na valaau le kapeteni mo se fesoasoani ina ua amata sao atu le vai i le vaa a o le’i ‘afa le 9 i le taeao, na faavave atu iai le vaega a le Marine Rescue NSW ma i totonu o le 20 minute na o latou aveesea mai ai i latou sa i luga o le vaa ma faasaoina uma le to’a 9.
Ua faailoa mai ua mae’a ono tosoina le vaa i le pa’umātū ma e faafetaia ai galuega lavea’i sa faatino a o tālia ai se faamaoniga poo le ā tonu na mafua ai le faaletonu i le vaa.
Puna o Faamatalaga: https://www.google.com/amp/s/amp.9news.com.au/article/54ab78f8-bb96-494f-a22f-42be9001a20c
