Ua faamaonia mai e toalua tagata ua maliliu ma leisi to’aono o loo manunu’a i le faalavelave na tulai mai i Salt Lake City i Amerika i le aso ananafi.
O le lipoti lata mai o lea faalavelave pei ona lipotia i le KSLTV i Amerika ua faailoa ai a o tālia le feiloa’iga a leoleo ma tusitala ua faalauiloa e leoleo suafa o e ua maliliu, o Sione Vatuvei 38 tausaga ma Vaea Tulikihihifo 46 tausaga, o le vevesi na tupu i fafo i le nofoaga e paka ai taavale a se lotu a o faia se sauniga o se maliu.
Faailoa o loo sailia pea le tagata poo ni tagata na faatinoina lea solitulafono ma o leisi to’atolu o loo manunu’a e tĪgāina tele ma le isi to’atolu o loo tālia iai se isi lipoti.
Fai mai leoleo i Salt Lake City o tagata matutua uma i latou o loo aafia ae o loo lipotia foi na tupu i fafo ane o se nofoaga a le Ekalesia a Iesu Keriso o le Au Paia o Aso e Gata Ai. Faao’o faamaisega a leoleo ma le toatele i aiga o ē ua aafia ao fa’aauau pea su’esu’ega o lenei faalavelave ma le sailia o i latou na faatinoina.
Puna o Faamatalaga: https://ksltv.com/local-news/large-police-presence-on-redwood-road/864557/
