Poo le ‘afa tonu o le itula e 8 i le taeao o le Aso Faraile, e tusa ai ma ripoti na faalogoina ai le lūlū ai o s mafui’e i saute o New Plymouth, i lona loloto e 107 kilomita, e pei ona lūlūina ai nofoaga tu ogatotonu o North Island.
E silia ma le 14,000 tagata na faamauina lo latou faalogoina o le mafui’e i luga o le itulau o le GeoNet; ma e faamatalaina e tagatanuu le malosi ma le galulu o le ‘ele’ele mo sina taimi i le faato’a faalogoina ai ona lūlū mai o lea mafui’e.
Māua i ripoti mai le NZ Herald, na faalogoina le mafui’e i Taranaki, o Ueligitone, Horowhenua, Levin ma Whanganui.
O le toe faalogoina ai lea o se mafui’e, talu ona lūlū ai o se mafui’e i le aso na sosoo ai le mae’a ai o le Kerisimasi poo le Boxing Day, e pei ona faamauina e 4.7 le malosi na lūlūina i itu lata ane i Pongaroa
Puna o Faamatalaga: https://www.nzherald.co.nz/nz/wellington/earthquake-shakes-central-new-zealand/5NG2N7NDCRA55BQPJCYJRQEAZM/
