Ua tula’i i luma o le faamasinoga i Niu Ioka le ta’ita’i o Venezuela, ma lona toalua, ma ua o la tē’ena o la moliaga, ma faailoa i le faamasino na aumai faamalosi i la’ua mai Caracas.
Ua faailoa e le CNN ua folafola e Trump o Amerika lea ua faatonutonuina nei Venezuela ma ua tuuina ane ai ma sana lapata’iga i isi atunuu ma le faamatalaga e faapea e ono faatino ni gaioiga faamiliteri i Colombia, lapata’ia foi Mexico i tulaga o fualaau faasāina atoa ai ma le faamatalaga e manaomia e Amerika Greenland.
O loo mata’itu nei e le lalolagi gaioiga uma a Amerika i le mataupu lenei auā ua tau fai alia’e tetee faapea foi ma le fa’aalia o le fiafia o nisi ina ua faato’ilaloina le faigamalo a Maduro.
‘Ese’ese vaega ole lalolagi o loo faaleo mai ai finagalo o tagata Venezuela i le mea ua tupu, faaopoopo atu la ma lapata’iga ia ua faia e Trump i isi atunuu, ua atili faapopoleina ai le toatele.
Puna o Faamatalaga: https://edition.cnn.com/world/live-news/venezuela-maduro-court-trump-01-05-26
