Search
Search
Photo Credit: Newshub

Valoia e Sir John Key tau o le maketi o fale a Niu Sila

Ua valoia e lē sa avea ma Palemia o Niu Sila i tausaga talu ai le tau e oo iai fale faatau i totonu o le isi 10 tausaga i Niu Sila, ma e lē o se tala fiafia.

A o faamavae mai ai Sir John Key mai le faletupe a le ANZ ma lona tofiga o le Faatonu Sili, ua ia valoaia o le toatele o tagata fai mai, le taugata o le soifuaga ma le alu i luga o totogi, o le mafuaaga lea o le faaluaina o le tau o fale faatau i totonu o le isi 10 tausaga.

E ui i lipoti a le Real Estate Institute of New Zealand na sau i lalo le tau o fale i le va o Novema 2021 ma Ianuari o le tausaga nei, ae lē faapea ua gafatia ai e tagata Niu Sila ona faatau e pei ona molimau mai ai le CoreLogic.

I faatalanoaga a Sir John ma nisi o ofisa faasalalau i le vaiaso nei, o loo ia faaalia ai e iai lona talitonuga e amata sau i lalo le maualuga o loo iai nei tului i le amataga o le tausaga fou, peitai, na ia ta’ua o le faafitauli e lē faapea ua alu ese atu ai le inflation.

O loo ioeina e nisi o tagata suesue faapitoa tau i le tamaoaiga le finagalo o Sir John, ma le tala e umi lava se taimi e toe faapaleni ai le inflation ma le maualuga ua iai nei.

O ni valoaga ma faatusatusaga e lē o faigofie i tagata Niu Sila o loo taumafai e saili ni o latou fale faatau, aemaise lava mo le uluai taimi.

Tala sili ona faitaulia

SAMOA UPDATE

PODCAST

Listen on

Tala mai samoa

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required