Ua valaau le Palemia Chris Hipkins mo le faasaolotoina mai o le pailate Niu Sila lea o loo taofia faapagota pea i West Papya, ua atoa nei le ono o masina.
I sana faatalanoaga i Aukilani na ia ta’ua ai o Mehrtens o se pailate sa fesoasoani i le faia o fesootaiga agai atu i komiuniti i Papua ma e iai si ona aiga, o se uso foi ma se tamā.
O le saogalemu o Mehrtens o loo laualuga i le faamoemoe o le alii Palemia e pei ona ta’ua i lana saunoaga ma o le 6 masina o se taimi umi mo si ona aiga.
Na ta’ua e le Palemia o le ofisa o le va i fafo o loo taitaia fesootaiga i le mataupu lea ma o loo faatalia nei se isi faamatalaga lata mai.
