Ua sau tala o le a faia le vāea a le The Warehouse Group, ma o le tala lata mai ananafi o tagata galulue i lona ofisa tutotonu.
O lea ua mae’a logoina tagata galulue i le ofisa tutotonu i le vāea o loo agai mai ma le toe faatulaga o le aufaigaluega, ma o le vaiaso fou lea ua ta’u e iloa ai.
I faamaumauga e silia ma le tasi afe tagata galulue i le ofisa tutotonu a le The Warehouse Group ma e oo mai i le taimi o tala fou e lē o mautinoa sa’o le fuainumera o le a oese.
Ua lipotia e le 1News o lea vāea e lē aafia ai i latou o loo feagai ma tagata faatau poo le frontline lea e aofia ai ma i latou e galulue i totonu o faleoloa a le The Warehouse ma le Noel Leeming.
I se toe tepa i le sau a’i o le The Warehouse Group i lenei tausaga, e $23.7 miliona le gau na ta’ua mai i le ‘afa muamua o lenei tausaga faaletupe, faamavae le Pule Sili ia Nick Grayston i le masina o Me, ma o lea foi ua toe faatau ese lana Torpedo7 i le tasi tala ae tapunia TheMarket.com.
O le Aso Lua o le vaiaso fou lea ua ta’u e sau ai le tala mautinoa mo tagata galulue o le a vāea.
Puna o Faamatalaga: Head office job cuts coming at The Warehouse Group (1news.co.nz)
