Ua uunaia tagata Ausetalia ia faia tuipuipui o le flu ma ua vaaia foi le siitia o le aofai o tagata e aafia i le faamai.
O le faauluuluga o le Australian Center for Disease Control, o Professor Paul Kelly na ia faailoa o loo avanoa nei le faia o tuipuipui e aunoa ma se totogi mo le toatele o tagata.
E mafai ona faia i auaunaga faafomai, faletalavai ma vaega o loo faia ai tuipuipui aemaise foi i nisi falefaigaluega.
Na ta’ua e Kelly i le tausaga talu ai 2023, o le aofaiga maualuga na iai o ē na aafia i le flu o tamaiti i lalo o le 14 tausaga le matutua ma sa maitauina le itiiti o tuipuipui na faia mo le matutua lea i lena tausaga.
Peitai la ua faailoa i fuainumera mai le NSW Health ua siitia le aofai o tagata aafia i le flu aemaise lava i NSW.
Fai mai e silia ma le 4,700 tagata o loo aafia i le flu i NSW i le 4 vaiaso talu ai tusa ua 16 pasene ua siitia ai tagata e aafia pe a faatusa i le aofai na iai i le tausaga ua te’a.
Puna o Faamatalaga: https://www.9news.com.au/national/flu-vaccine-reminder-what-you-need-to-know-infections-rising/bc9eabe3-caf3-41fc-9739-997118d594e8
