O le tuliga a leoleo ma se taavale i le tele o magaala ma faaitu i Sini ua faaiu ina ua feto’ai le taavale lea ma se pou i luga o le alatele.
O le tuliga na amata i le tea laititi o le 10 i le taeao o le Aso Tofi i le pitonuu o Casula, o le taavale lanu paepae o le ituaiga o le Hyundai Sonata.
Na taumafai le taavale e sola ese ma leoleo ma ui ane ai i pitonuu e pei o Paramatta, kolosi ane ai i le itu i Matu i Sisifo o Sini pe ā ma le 45 na fai ai tuliga.
Na vaaia le taavale lea o saosaoa ane i auala na ui ai ma e alu foi i moli mūmū ma le itu sese o le alatele.
Na faaiu i le feto’ai ma se pou ma taofi ai loa ma maua atu ai e leoleo, pue ai loa ma ni tagata se toalua e pei ona faailoa i lipoti a le 9News.
O ni lavalava na aveesea mai e leoleo mai le taavale lea fai mai isi lipoti o se laisene taavale mai Kuiniselani.
O loo faatalia se isi tala lata mai mai leoleo.
