O le Aso Sa na mavae nei na uma ai le ola o se tamaitiiti 15 tausaga le matua mai le afioaga o Amaile ina ua sipaka.
Na ta’ua e le tamaitai Sui Komesina ia Papalii Monalisa Tia’i Keti o uluai suesuega a leoleo o loo maua ai o lē ua maliu sa iai lea i se faigaumu a lo latou nuu i le po o le Aso Sa.
E faapea tala na faatonu e se tasi lea tamaitiiti e alu e faapipii le sulu e faamalamalama ai le faigaumu, ae sipaka ai loa.
Ua faailoa o loo masalomia sa susū lima o le tamaitiiti poo le uaea foi ona sa timu lea po le mafuaaga o le faalavelave.
O loo faaauau nei suesuega a leoleo i lea mataupu.
