Ua iai se teineititi mai Kuiniselani ua uma lona ola i nai aso talu ona aafia i le influenza virus.
Lipotia e le 7News i le asō o le teineititi o Emma Schwab mai le Sunshine Coast, 11 tausaga na ave i le falemai ina ua aafia i le flu i le vaiaso talu ai, na toe tea i tua i se taimi mulimuli ane.
Na faateteleina āuga ma iu ina maliu ai lava e ui i taumafaiga a paramedics e faia iai togafitiga.
E faaoo faamaisega a le Sunshine Coast Health i le aiga mafatia o le teineiiti ae ua tulai mai lea faalavelave ae lei leva ona unaia mai e le Soifua Maloloina, mātua ina ia faia tuipuipui a le fanau mai le vairusi ua pepesi nei.
Sa faalauiloa ai foi ma se isi talavou na maliu mai le NSW Central Coast ina ua aafia foi i le influenza virus, fai mai e lei leva ona aafia i le vairusi ae maliu loa.
Talu ona faailoa le pepesi mai o lea vairusi, a itiiti mai e toa 16 tamaiti ua taofia i potu tigaina i falemai tetele e tolu i NSW ona o auga e aofia ai faaletonu i le fatu, fai’ai ma maso o le tino e manaomia ai le mataituina lelei.
