Uluai poloaiga o faalavelave faafuasei mo Napier

Ua tuuina mai nei le uluai poloaiga o faalavelave faafuasei poo le state of emergency mo Napier

O lenei poloaiga na amata faamamaluina I le po anapo ona o timuga mamafa ua mafua ai lologa, solo palapala mai se tasi o nofoaga mapuepue ma tuua ai e le toatele fale ona ua lofia I le vai

Silia ma le 90 fale I Napier na aafia I lologa I le po anapo ma o se fuainumera o loo alualu pea I luga

O le toatele o nei aiga na aveesea uma mai o latou maota, faatasi ma galuega laveai e faasaoina mai nei lologa

O le po anapo na lapataia ai Napier I lologa ma timuga mamafa ma e ono faatupulaia I le aso

E oo atu I le silia ma le 2 afe fale o aiga ua motusia nei eletise e tusa ma ripoti a le kamupani malosiaga taueletise a le Unison

Tuufaatasia tala o lenei taeao, ua talosaga mai le pulenuu ia Kirsten Wise I tagata Napier e nonofo I le fale ma aua le soona feoai I taavale

Ma afai e le o saogalemu, ua tatau nei loa ona o ese mai ae agai atu I aiga ma uo e faamautu ai mo lenei taimi le tumau, ma afai ua leai lava se isi mea e mafai ona fai ua tatau nei loa ona agai I Kennedy Park I Marewa

e le o malolo le ofisa o tineimu ia latou galuega laveai ma ua lapatai mai ai ia I latou e moomia le fesoasoani e faafesootai le 111

LAUILOA

Keep uptodate with Radio Samoa activity & promotion

* indicates required