O le vaega su’esu’e a le atunuu o Ukraine ua o latou mauaina e 155 sitiseni o Saina o loo i le vaega’au a Lusia lea o loo faasagatau atu ia Ukraine.
Fai mai ua maua o i latou ia sa maua avanoa i vaega’au a Lusia ona o le tali ane i ni faasalalauga sa faia mo le sa’ilia o ni fitafita aemaise foi i luga o le social media.
O loo faailoa e le CNN o loo teena pea e Saina lona iloa o sea tulaga ma ua faailoa e se sooupu mai le malo o Saina e fia faamanino ua mae’a lelei ona faatonuina e Saina ona sitiseni ina ia faamamao ese ma vaega’au nei ma ia aua ne’i aafia ai aemaise lava i ni vaega faamiliteli.
Ua faailoa i se pepa o faamatalaga mai se ofisa sekulati a Ukraine, e silia ma le 150 sitiseni o Saina o loo iai i vaega’au a Lusia ae manatu Zelensky e to’atele atu le aofa’i moni o tagata Saina o loo iai i vaega’au a Lusia.
O isi lipoti ua feta’ua’ina ai o se tasi mafua’aga o le faia e ia tagata Saina o ia gaioiga ona o le fia avea o i latou ma sitiseni o Lusia.
Puna o Faamatalaga: https://edition.cnn.com/2025/04/09/europe/ukraine-chinese-nationals-russia-intl-latam/index.html
