Ua faate’ia le toatele o tagata e umia credit cards i le faaiuga o le vaiaso i le tele o tupe ua toesea, ma e faapea e mafua i nisi o faaletonu tau tekonolosi.
E lē tasi se faletupe na aafia ai ana paaga i le faaletonu lenei, lea e faapea ua toe totogi faafia le peimeni e tasi ma na tupu lea i le po o le Aso Faraile.
Na ta’ua e se tasi o paaga a le BNZ e silia ma le faafaselau tolusefulu ona toesea le $17.25 sene o lana faigamalaga na alu ai i le Uber, e tusa lea ma le $7,528.25.
Ta’ua mai ai e le 1News e tusa am le 6,000 paaga a le BNZ na aafia ai, ae o le Kiwibank e tusa ma le 500, ma o lea na aafia ai ma fuafuaga a le toatele.
O se tasi o paaga e le o finagalo e faailoa e faapea e tusa ma le $10,000 na aveesea mai lana account.
E le o faailoaina le igoa o le third-party e gafa ma itu tau tekonolosi nei, ae i se lipoti mai faletupe ua faamautinoa mai e le third party o loo galulue e toe faaleleia.
