Search
Search
Photo by Instagram

Tuvae mai le Tausala o Samoa i Niu Sa Uelese a o lei toe taliu atu mo ona tiute  i Samoa 

O le amataga o le vaiaso nei ua tuvae mai ai i fanua le Tausala o Samoa ma o le Tausala foi mai Niu Sa Uelese nei, Moemoana Safaato’a Schwenke ma ua vaaia i upega tafailagi ata o le taimi na tuvae ai i le malaevaalele i Sini ma faafeiloaia e le mamalu o Samoa na potopoto ai i le taeao o le Aso Sa. 

Vaaia i ata i upega tafailagi le sagisagi fiafia o aiga ma uo aemaise le atunuu ma avanoa mo le faafeiloaia o le tamaitai Tausala i lona toe foi mai ai i fanua a o lei tapena atu mo le tausaga atoa o le a galulue faatasi ai ma le ofisa o Tulisi i Samoa i le faalauiloaina atili o le atunuu ma le faataunuuina o ona tiute faa le Tausala o Samoa 2023/2024. 

Sa faaleo foi i luga o upega tafailagi le agaga faafetai o le peresetene o le Miss Samoa NSW i le lagolago a aiga ma uo aemaise Samoa i Niu Sa Uelese i le tapuaia o le tamaitai o Moemoana i le tauvaga sa faatautaia i Samoa na iu manuia ai lona taumafai.

Na faia faafiafiaga a le Matavai Pacific Cultural Arts faapea nisi sa iai i le faataliina o le taunuu mai o le tamaitai Tausala i le malaevaalele faavaomalo i Sini.

Tala sili ona faitaulia

FAATALATALANOAGA

TALA FOU MAI SAMOA

SAMOA UPDATE

PODCAST

Listen on

POLOKALAME A LEOLEO

Keep uptodate with Radio Samoa activity & promotion

* indicates required