O se tala faanoanoa i le tuanai o le faamanatuina o le Kerisimasi o lenei tausaga ua faitau aso nei ona mae’a lea, ona o le tuumalo o le sui taitaifono o le Ekalesia Faapotopotoga Kerisiano Samoa le susuga i le Toeaina Iosefa Atapana Uilelea.
O le Aso Gafua i le tuanai o le Aso Sa sa faamanatu ai le soifua mai o le pepe o le Kerisimasi na faailoa ai i luga o upega tafailagi le tuua o le Malo e le sui taitaifono sa o la tausia ma le faletua le lafu mamoe i le ekalesia EFKS i Lotofaga.
O le tausaga e 2020 i le 2021 na seei ai le Toeaina i le tofi Taitaifono aoao o le ekalesia ina ua filifilia i le fonotele, na filifilia i le fonotele i Malua i le masina o Setema o le tausaga nei i le tofiga sui taitaifono ma le faamoemoe o le fonotele o le tausaga fou na te toe tauave ai le tofiga taitaifono, lea o loo seei ai i le taimi nei le susuga i le Toeaina Tunumoso Iosia.
E auina atu lenei lipoti e lei faamautuina se polokalame o toe sauniga o le sui taitaifono le susuga i le Toeaina Iosefa Atapana Uilelea.
