O le paeaiga 14 ma le 15 a le Palemene o Samoa na seei ai i le tofi faipule o le itumalo o Alataua i Sisifo le afioga Lafaitele Patrick Leiataualesa.
O ia paeaiga e lua sa avea ai ma Minisita lagolago mo le Matagaluega o Tupe Maua ma le Matagaluega o Leoleo ma Falepuipui ma le Tineimu.
Ua faamaonia mai e se molimau faatuatuaina le faamanavaina e le Matai Sili o galuega a lea tamalii sa avea ma se tasi o taitai o le tatou Malo.
E le gata i tofiga minisita lagolago sa ia umia a o avea ma faipule o lona itumalo, ae sa avea foi ma sui o nisi o komiti a le Palemene.
Sa toe taumafai e tauva i le palota tele o le 2021 peitai sa lē mafai ona o tulaga agavaa i le monotaga faalenuu.
E tuumalo Lafaitele Patrick Leiataualesa ua 55 tausaga o lona soifua.
