O le aso ananafi lea na tuuina ai tusi taualoa a le Komesina Maualuga a le Malo o Samoa, Afioga Afamasaga Faamatalaupu Toleafoa i le Kovana o Niu Sila, Dame Cindy Kiro.
E pei ona faailoa ai i faamatalaga mai upega tafailagi e toalima Sui mai i Malo a nisi o atunuu e aofia ai le Amepasa o Liberia, Portugal, Kazakhstan, o le Komesina Maualauga o Bangladesh ma le Afioga ia Afamasaga lea na tauaao uma a latou tusi taualoa i le Kovana.
O le Afioga i le Komesina Maualuga ia Afamasaga na tofiaina e le Kapeneta i le amataga o le tausaga nei faatasi ai ma le Konesula a Samoa i Aukilani, Afemata Palusalue Faapo II ma le Komesina o Fefaatauaiga a Samoa i Niu Sila ia Vaatuitui Apete Meredith.
O Afamasaga sa avea ma Konesula o Samoa i Aukilani i le tausaga 1984 ma sa avea foi ma Amepasa o Samoa i Belgium mai le tausaga 1989 i le tausaga 1997.
