O loo fa’aauau pea sailiga a leoleo i tagata o loo masalomia lo latou aafia i le misa tele na tulai mai i le aso 28 o Tesema o le tausaga ua mavae atu i Karagahape Rd.
O se mata’upu na molimauina ai le aofia ai o le toatele o tagata pe silia ma le to’alima sefeulu, poo le toe 20 minute i le itula e 4 i le vaveao.
I lenei mataupu, na maitauina le tula’i mai ai o ni aafiaga, e pei ona iai ni tagata sa aafia ma manunu’a o nisi o vaega o lea faaitū. Ma e māua e na o le to’atasi lava le tagata ua pu’e ma taofia faapagota mai i lenei mataupu.
Ona o le mata’utia o lenei mataupu o lea na tuuina mai ai se talosaga a leoleo mo se fesoasoani mai lautele aemaise o e na iai i lea po mo ni faamataga.
Ua faaalia foi, e le sui o le auaunaga o leoleo, o le alii satini sinia, o se leoleo su’esu’e faapitoa- Detective Senior Sergeant Mark Greaves, le fa’aauau pea o a latou taumafaiga.
Ua o latou faasalalauina foi ni ata pu’e mai le CCTV, o ni tagata se toalua o loo masalomia lo la aafia ai i le vavesi tele.
O i la’ua nei o loo tusailia o ni ali’i se to’alua o le tasi o loo ia ofuina se ofuvae vae uumi lanu uliuli, o le ofu a luga o se mitiafu i lona itu’aiga o se hunting and fishing jacket ma se pulou lanu uliuli o loo iai ni mata’itusi pa’epa’e. A o le isi ali’i o loo mmaua atu i le ata o ia ofuina se ofu lanu pa’epa’e ma se pulou tai lanu kulimi foliga.
Puna o Faamatalaga: https://www.rnz.co.nz/news/national/583234/police-seek-to-identify-people-after-mass-disorder-on-auckland-s-k-road
