O le Aso Faraile le faai’uga o lenei vaiaso ua tuua ai le atunuu e le ta’ita’i o le Malo le afioga i le tamaitai Palemia, afioga Fiame Dr Naomi Mataafa, mo le auai atu ma lana usugafono i le fono a ta’ita’i o Malo o le Pasefika o loo talimalo ai le atunuu tuaoi o Tonga.
O se fono o le a auai ma le failautusi aoao o Malo Aufaatasi le susuga Antonio Gutteres, lea na feiloai ma le tamaitai Palemia mo ni talanoaga i le Aso Tofi o lenei vaiaso, a o iai le failautusi aoao i sana asiasiga i Samoa.
O le potu fono o le Kapeneta na faia ai feiloaiga a le ta’ita’i o le tatou malo ma lea ta’ita’i maualuga o loo faauluulu iai le faalapotopotoga o Malo Aufaatasi, e pei ona avea ai foi Samoa ma sui o lea faalapotopotoga o malo o le lalolagi.
