samoa court

Tuu atu faasalaga tupe i ni matai se to’a lua o Samatau

E to’a lua ni matai faiupu a Samatau ua lē faia i ai se faasalaga  faafalepuipui ona o le ogaoga o le solitulafono o le lā saini faamalosi lea o le suafa o lē sa pulenuu i pepa e resitala ai o la suafa  matai ae ua sala tupe ma le tuutuuga a ta le 12 o le aoauli o le Aso Gafua o le vaiaso nei e le’i totogia ua nofo sala loa i le falepuipui. 

 O le Aso Faraile o le vaiaso na tea nei na lau ai le iuga o Mutimuti Teleiai ma Teleiai Emosa Elia o le tasi o i laua ia ua 69 tausaga o le soifua a’o leisi ua 64. O le tausaga e 2019 na tulai mai ai lea solitulafono ina ua fofogiana se mataupu i le faamaisnoga o fanua ma suafa ma e molimau ai i laua peitai e le’i resitalaina o la suafa matai ae ua maea ona faia saofai na agai ai loa laua ma saini pepa resitala ma tuu iai le suafa o lē sa avea ma sui o le nuu poo le pulenuu e aunoa ma le silafia e lē sa umia le tofi i lea taimi. 

Na agai matai nei e toalua ma ave pepa i le ofisa o faamasinoga ma resitala ai o la suafa matai ae na iloa mulimuli  ane e le sui o le nuu ma ia faaulu ai le tagi i leoleo. Na iloa ai foi e le ofisa o faamasinoga le faaletonu ma lagolago atu ai i le mataupu i lona fa’atōai i le tulafono ma oo ai loa i le faamasinoga sili ma vaalau ai mo se suesuega peitai na ioe laua i le solitulafono ma faia ai le faasalaga. O le tasi o matai e $2000 tala le aofaiga atoa o lana sala tupe a’o le isi e $500 tala ona e tasi le moliaga na tuuaia ai a’o leisi e 3 moliaga.  

Na faaalia e le afioga i le Faamasino Sinia le afioga Vui Clarence Nelson i lana faaiuga e ogaoga le tulafono peitai ua  manatu e lē talafeagai se solitulafono faafalepuipui. Ua iai foi nisi ua nofo sala i le toese ona o lea lava solitulafono. Faaalia e le matai na tagi ia Teleiai Toa Seniao Matauaina na ia ave le mataupu i leoleo ina ia taofia le toe tulai mai o faiga faasolitulafono i meatotino a le malo i pepa ia o resitala i suafa matai aemaise o se feau taua lea mo sui o nuu o loo faia lea galuega ina ia mataala i le faatinoga o latou tiute. 

Scroll to Top

Keep uptodate with Radio Samoa activity & promotion

* indicates required