E le o suia fuafuaga a le Atu Kuki mo le masina fou, e ui i le maea faamaonia o la latou uluai case o le Koviti faimalaga atu mai Niu Sila
O lea ua ripotia mai ua maua le uluai case faamaonia o le Koviti faimalaga atu mai Aukilani ma taunuu i le Atu Kuki i le Aso Faraile, ma o lea case o se tamaititi
Ae e le’i maua lea case faamaonia o le masina o Novema na faalauiloa mai ai fuafuaga a le Atu Kuki o le masina fou e tatala ai le feoai saoloto o pasese i le va o Niu Sila ma le Atu Kuki, ma e na o le pau foi lea o le atunuu e saoloto le faanofoesea o tagata Kiwi i le o atu, faapea le toe taliu mai
I ripoti talu mai ona faalauiloa o le a leai se faanofoesa i le va o atunuu e lua, ua agai i luga le toatele o pasese faia bookings mo faigamalaga
E tusa ma tala a le TV1, o le tamaititi 10 tausaga ua faamaonia lona siaki e le o maua i ni auga o le fulu faapea foi lona aiga ma o loo mafanafana le Atu Kuki o loo maualalo le lamatia o le komiuniti mai le pepesi I tua
O loo tumau pea le aso 14 o Ianuari 2022 lea ua taoto ai le saolotoga e feoai ai pasese i le va o Niu Sila ma le Atu Kuki
